Aao Mile hum

Aao Mile hum
kuch is tarah
na mila ho jaise kabhi koi,

na poochho tum ke
main kaisa hoon
na main sawaal karoon ke
tumhara din kaisa guzra

bina aankho mein aankhein daale hi
samajh loon main
tumhare dil kee baat
bina qareeb aaye hi tum
meri dhadkanein suno

paas aaye bina hi hum
ek doosre ko mehsoos karein
aaj mein kal mein
har us pal mein
jo humne saath bitaye
kuch dhoondhne ki koshish karein

dhoondhein kuch aisa anjaana
jo bahut puraana ho
rishta, ehsaas ya jazbaat
kuch bhi.........
jo bahut purana ho
ek nayapan liye huye
jab bhi hum mile,
hume taaza kare,

aao mile hum is tarah
jaise n mila ho
koi, kabhi..........