Hum jo mehkey to meri shakh jala di uss ne,

Hum jo mehkey to meri shakh jala di uss ne,
Sabz mousam main mujhey zard hawa di uss ne...
Pehley ek lamhey ki zanjeer sey baandha mujh ko,
Aur phir waqt ki raftar barha di uss ne...
Jaanta tha key mujhey maut sakoon bakhshey gi,
Wo sitamgar tha, so jeeney ki dua di uss ne...
Uss k honay sey thi sansein meri dugni shayad,
Wo jo bichda to meri umr ghata di uss ne...