sabkuchh hai mere paas fir bhi akela hoon main

sabkuchh hai mere paas fir bhi akela hoon main,
khatm ho gayi sari pyaas fir bhi akela hoon main.,
zindagi ki jaddo jahad se ladkar jeete hai hum,
mehfil ki roushni to hai fir bhi akela hoon main.,

bachpan ke natkhat din ab yaad hi nahi mujhe,
ki koi dost hamara bhi raha hoga ush waqt.,
akele hi tanhaiyo me batein kiye hai khuda se,
aaj rehmat hai khuda ki fir bhi akela hoon main.,

ek ajnabi halaat-e-manjar se meri zindagi ujad gayi,
bahut chhota tha mai jab meri maa duniya chhod gayi.,
uski yaado ki tapish har pal mujhe roushni deti hai,
uska hath hai mere sar pe magar haqiqat me fir bhi akela hoon main.,

apne maa baap ka saya to dekha hi nahi apne aankho se,
puchhta hu aaj bhi kyo di hume ye saza khuda ne.,
kya itna bada gunah tha mera ke chhod diya mujhe sabne,
jahan me daulat hai sohrat hai fir bhi akela hoon main.,

jab naraj hota hoon to koi manane wala nahi hai,
jab khush hota hoon to koi jatane wala nahi hai.,
kab tak ish duniya me mar-mar kar jeete rahenge hum,
bhej de mere maula kisi ko bahut akela hoon main.,

intezar hai uska ki koi hamare paas bhi aayega,
mere khuda ki nazre-inayat mujhpe bhi kabhi hogi.,
zindagi se sabkuchh jeete baithe hai bas teri kami hai.,
bhej de mere maula kisi ko bahut akela hoon main.,
********BAHUT AKELA HOON MAIN********