Ye Dard Mit Gaya To Phir?

Ye Dard Mit Gaya To Phir?
Ye Zakhm Sil Gaya To Phir?
Bichhad Kar Sochta Hoon Main
Wo Phir Se Mil Gaya To Phir?
Main Titliyon Ke Shehar Mein
Rahoon To Mujh Ko Fikar Hai
Wo Phool Jo Khila Nahi
Wo Phool Khil Gaya To Phir?
Tujhe Bhi Kuch Nahi Mila
Mujhe Bhi Kuch Nahi Mila
Tamam Umar Ke Liye
Ye Dard Mil Gaya To Phir?
Main Is Liye To Aaj Tak
Sawal Bhi Na Kar Saka
Agar Mere Sawal Ka
Jawab Mil Gaya To Phir?