Nazim's poetry

Nazim's poetry

Saturday, January 16, 2016

Tumhein Ho

قرارِ جاں بھی تمھی، اضطرابِ جاں بھی تم ھی
مرا یقیں بھی تمھی ہو،  مِرا گماں  بھی تم ھی

یہ کیا طِلسم ہے، دریا میں بن کے عکسِ قمر
رُکے ہوئے بھی تمھی ہو، رواں دواں بھی تم ھی

خدا کا شکر، مرا راستہ معیّن ہے
کہ کارواں بھی تمھی، میرِ کارواں بھی تم ھی

تمھی ہو جس سے ملی مجھ کو شانِ استغنا
کہ میرا غم بھی تمھی، غم کے رازداں بھی تم ھی

نہاں ہو ذہن میں وجدان کا دُھواں بن کر
افق پہ منزلِ ادراک کا نشاں بھی تم ھی

تمام حُسنِ عمل ہوں، تمام حُسنِ بیاں
کہ میرا دل بھی تمھی ہو، مرِی زباں بھی تم ھی

No comments:

Post a Comment

Related Posts Plugin for WordPress, Blogger...