Nazim's poetry

Nazim's poetry

Thursday, January 14, 2016

Aks

عکس کتنے اتر گئے مجھ میں
پھر نہ جانے کدھر گئے مجھ میں

میں نے چاہا تھا زخم بھر جائیں
زخم ہی زخم بھر گئے مجھ میں

میں وہ پل تھا جو کھا گیا صدیاں
سب زمانے گزر گئے مجھ میں

یہ جو میں ہوں ذرا سا باقی ہوں
وہ جو تم تھے، وہ مر گئے مجھ میں

میرے اندر تھی ایسی تاریکی
آ کے آسیب ڈر گئے مجھ میں

پہلے اترا میں دل کے دریا میں
پھر سمندر اتر گئے مجھ میں

کیسا مجھ کو بنا دیا عمارؔ
کون سا رنگ بھر گئے مجھ میں

No comments:

Post a Comment

Related Posts Plugin for WordPress, Blogger...