Nazim's poetry

Nazim's poetry

Friday, July 24, 2015

Tanhaa Tum Hi Tu Nehi

Dilke Sannaton Mein Rehne Wale Tanha Tum Hi Nahi, 
Tanhayi Se Baatein Karne Wale Tanha Tum Hi Nahi, 

Is Ishq Ne Barbaad Kiya Hai Har Shakhs Ko, 
Is Ishq Mein Bikharne Wale Tanha Tum Hi Nahi, 

Kehne Ko To Faqt Ek Dil Hi Toota Hai, 
Apna Sab Kuch Lutane Wale Tanha Tum Hi Nahi, 

Hanste Hue Chehre Hai Yahan Sabke, 
Dard Yun Chhupane Wale Tanha Tum Hi Nahi, 

Shab-E-Tanhayi Ki Dastan Ek Si Hai Sabki, 
Andheron Mein Rehne Wale Tanha Tum Hi Nahi, 

Aisa Lagta Hai Ek Saza Ho Zindagi Meri, 
Is Qaid Mein Rehne Wale Tanha Tum Hi Nahi, 

Is Sheher Mein Aur Bhi Deewane Hai Sahil, 
Dar Dar Bhatakne Wale Tanha Tum Hi Nahi...


No comments:

Post a Comment

Related Posts Plugin for WordPress, Blogger...