Mat pouch kis tarah ka tha kaisa laga mujay
Jaisa tha jis tarah ka tha acha laga mujay

Banjer howa hy zehan tu dil sogwar hy
kis ko laga hy rog ye, jaisa laga mujay

Parwrda,e fareib-e-nazar tha issi liye
Haton mai tera hath b dhoka laga mujay

Aqs-e-wisal-e-yaar jo aujal huwa tu phir
Rang-e-rukh-e-bahaar b phika laga mujay

Har aik cheez yun tery paikr mein dhall gai
Har aik cheez pr tyra saya laga mujay

Ik justju ka rai’gan hone ko hey mager
Ik rabta k aur b ghehra laga mujay

Pighla ye jisam lamss ki hid’dat sy aaj b
wo mery pass hy Aisa laga mujay