afsurda se

kuch khud bhi the afsurda se
kuch wo bhi ham se rooth gaye

kuch khud bhi zakham ke aadi the
kuch sheeshe hath se toot gaye

kuch khud bhi the hassas bohat
kuch apne muqaddar rooth gaye

kuch un ko jhoot se nafrat thi
kuch ham se bole jhoot gaye

kuch logon ne uksaya un ko
kuch apne muqaddar phoot gaye

kuch khud itne mohtaat na the
kuch log bhi ham ko loot gaye

kuch talkh haqeeqat itni thi
ke khowab hi saare toot gaye