Dil-O-Dimaagh Ko Ro Loon Ga Aah Kar Loon Ga
Tumhaare Ishq Men Sab Kuchh Tabaah Kar Loon Ga
Agar Mujhe Na Mileen Tum Tumhaare Sar Ki Qasam
Main Apni Saari Javaani Tabaah Kar Loon Ga
Mujhe Jo Dair-O-Haram Men Kaheen Jagah Na Mili
Tere Khayaal Hi Ko Sajda-Gaah Kar Loon Ga
Jo Tum Se Kar Diyaa Mahroom Aasmaan Ne Mujhe
Main Apni Zindagi Sarf-E-Gunaah Kar Loon Ga
Raqeeb Se Bhi Miloon Ga Tumhaare Hukm Pe Main
Jo Ab Talak Na Kiyaa Thaa Ab Aah Kar Loon Ga
Tumhaari Yaad Men Main Kaat Doon Ga Hashr Ke Din
Tumhaare Hijr Men Raaten Siyaah Kar Loon Ga
Hareem-E-Hazarat-E-Salmaa Ki Simt Jaataa Hoon
Huaa Na Zabt To Chupke Se Aah Kar Loon Ga
Ye Nau-Bahaar Ye Abr-O-Havaa Ye Rang-E-Sharaab
Chalo Jo Ho So Ho Ab To Gunaah Kar Loon Ga
Kisi Haseena Ke Maasoom Ishq Men "Akhtar"
Javaani Kya Hai Main Sab Kuchh Tabaah Kar Loon Ga
No comments:
Post a Comment