Teri koshish teri tadbir hona chahta hon
mai tere hath ki tehrir hona chahta hon,
Tuu mere pas aye aur palat ker na jaye
mai tere paon ki zanjir hona chahta hon,
Mujhe hajat nahi ab dosron k mashvaron ki
mai khud bhi sahib -e-taqdir hona chahta hon,
Azal se khawab ban ker teri ankhon mai raha hon
mai ab sharminda-e-tabir hona chahta hon,
Mai is liye mismar khud ko ker raha hon
k tere hath se tamir hona chahta hon...
No comments:
Post a Comment