Nazim's poetry

Nazim's poetry

Thursday, October 27, 2011

Rakht-E-Safar Yunhi To Na Bekaar Le Chalo

Rakht-E-Safar Yunhi To Na Bekaar Le Chalo
Rasta Hai Dhoop Ka, Koi Dewaar Le Chalo

Taaqat Nahi Zubaan Main To Likh Loon Dil Ki Baat
Koi To Saath Soorat-E-Izhaar Le Chalo

Dekhoon To Badal Ke Wo Bhala Kesa Ho Gaya
Mujh Ko Bhi Uss Ke Saamnay Ek Baar Le Chalo

Kab Tak Nadi Ki Teh Main Utaaro Ge Kashtiaan
Abb Ke To Haath Main Koi Patwaar Le Chalo

Parti Hain Dil Pe Gham Ki Ager Silwatain To Kia
Chehray Pe To Khushi Ke Kuch Aasaar Le Chalo

Jitney Bhanwar Kaho Ge Pehen Loonga Jism Per
Ek Baar To Nadi Ke Mujhe Paar Le Chalo

Kuch Bhi Nahi Ager To Hatheli Pe Jaan Sahi
Tohfa Koi To Uss Ke Leay Yaar Le Chalo

Jungle Main Aye Ga Koi Gaahak Kahan Adeem
Bikna Hai Ger To Saath Khareedaar Le Chalo


No comments:

Post a Comment

Related Posts Plugin for WordPress, Blogger...